Hikvision კამერის დაკავშირება (RTSP)

2026-11-03 · მონახაზი

უფრო მარტივი გზა: თუ კამერას RTMP აქვს, დააკავშირეთ Hikvision RTMP-ით — პორტების გახსნა და სტატიკური IP საჭირო აღარ იქნება.

Hikvision-ის კამერები და ჩამწერები (NVR) ვიდეოს RTSP ნაკადად გასცემენ. დასაკავშირებლად საჭიროა სამი რამ: კამერის მისამართი, მომხმარებელი და RTSP ბმული.

1. მოამზადეთ კამერა

გახსენით კამერის ვებ-ინტერფეისი ბრაუზერში (მაგ. http://192.168.1.64).
კონფიგურაცია → ვიდეო/აუდიო → ვიდეო: ძირითად ნაკადზე (Main Stream) აირჩიეთ კოდეკი H.264. H.265 ბრაუზერების უმეტესობაში ვერ ითამაშებს.
კონფიგურაცია → სისტემა → მომხმარებლები: შექმენით ცალკე მომხმარებელი მხოლოდ ყურების უფლებით. არ გამოიყენოთ admin.

2. RTSP ბმული

rtsp://მომხმარებელი:პაროლი@მისამართი:554/Streaming/Channels/101

101 — პირველი არხის ძირითადი ნაკადი, 102 — დამატებითი (დაბალი ხარისხის) ნაკადი.
ჩამწერზე (NVR) N-ე არხისთვის: N01 და N02, მაგ. მესამე კამერა — /Streaming/Channels/301.

დამატებითი ნაკადი (102) მიუთითეთ კამერის პარამეტრებში, როგორც „დამატებითი ნაკადი“ — მას გამოვიყენებთ ტაიმლაფსისთვის და მობილურ ინტერნეტზე, რაც ტრაფიკს ზოგავს.

3. ინტერნეტიდან წვდომა

დეტალური ინსტრუქცია: RTSP კამერის დაკავშირება პორტის გადამისამართებით.

კამერა ინტერნეტიდან ხელმისაწვდომი უნდა იყოს:

როუტერზე გადაამისამართეთ გარე პორტი (მაგ. 8554) კამერის 554 პორტზე.
გამოიყენეთ სტატიკური საჯარო IP ან DDNS სახელი.
ბმულში მიუთითეთ საჯარო მისამართი და გარე პორტი.

4. შემოწმება

ბმული ჯერ შეამოწმეთ VLC-ში (მედია → ქსელის ნაკადის გახსნა). თუ VLC-ში მუშაობს, დაამატეთ კამერა პანელში: კამერები → დამატება.

უსაფრთხოებისთვის: კამერის პაროლი ჩვენთან დაშიფრულად ინახება და ინტერფეისში აღარ ჩანს.